Konfrans Liqasının 3-cü təsnifat mərhələsində “Sabah” “Partizan”la qarşılaşacaq.

“Football-plus.az” xəbər verir ki, matçdan öncə komandanın baş məşqçisi Murad Musayev azarkeşlərə səslənib. O, fanatları stadiona dəvət edib:

"Hörmətli azarkeşlər, bir neçə ildi biz bu arzu ilə yaşayırdıq - avrokuboklara vəsiqə qazanmaq. Klubun hər bir əməkdaşı avrokuboklarda ev oyunumuzu öz doğma meydanımızda keçirməyimiz üçün böyük iş gördü. Sizin də dəstəyinizlə evdə keçirdiyimiz çətin oyunda geridönüş edərək tarixi qələbə qazandıq. Biz bunun öhdəsindən gələ bildik. Qarşılığında əldə etdiklərimiz isə tamamilə qiymətsizdi. Dəstəyiniz möhtəşəm idi. İndi bizi doğma meydanda "Partizan"a qarşı daha bir tarixi oyun gözləyir. Sizin dəstəyiniz böyük təsirə malikdi. Gəlin, 10 avqustda "Bank Respublika Arena"da "Sabah"a dəstək olun. Yolunuzu gözləyirik".