"Yarışda 4 komandaya qalib gəldik. Bunlar Malta, Andorra, Cəbəllütariq və San Marino yığmalarıdı. Təəssüf ki, bizi məyus edən məqam itkilərin olmasıdı. Arda və Hüseyn sıradan çıxdı. Amma inanıram ki, növbəti illərdə daha yaxşı olacağıq. Məsələnin pis tərəfi ilə yanaşı, yaxşı tərəfi də var. Heyətimizdəki 12 basketbolçudan onu gələn ildə bu yaş qrupunda çıxış edəcək. Onlarla ciddi şəkildə məşğul olacağıq. Ən böyük problem fiziki cəhətdən zəif olmağımız idi. Uşaqların çıxış edəcəkləri komandların məşqçilərini də tapşıracam ki, oyunçuların fiziki hazırlığını yaxşı səviyyəyə gətirməyə kömək eləsin".

"Oyunçuların belə turnirlərdə çıxışı müsbət haldı. Gələcək nəsillərin inkişafı üçün belə yarışlarda iştirak vacibdi. İnanıram ki, əziyyətimizin bəhrəsini görəcəyik və ölkə idmanı üçün yaxşı basketbolçular yetişdirəcəyik".