“Milan” hücum xəttini yeni oyunçu ilə gücləndirib. İtaliya klubuna tezliklə daha bir futbolçu gələcək.

"Football-plus.az" xəbər verir ki, “Milan” artıq “Zaltsburq”dan Noa Okaforu heyətinə qatıb. İnsayder Fabritsio Romanonun yaydığı xəbərə görə, isveçrəli oyunçu ilə 5 illik müqavilə imzalanıb. Bu transferin milanlılara 14 milyon avroya başa gəldiyi də məlum olub. 23 yaşlı futbolçu “Zaltsburq”da 2020-ci ilin yanvarından çıxış edirdi. O, ötən müddətdə Avstriya klubunda 110 oyuna çıxıb, 34 qol vurub və 23 qolun ötürməsini verib.

Tezliklə “Milan”a Samuel Çukvueze də gələcək. “Vilyarreal”ın vingerinin İtaliya nəhənginə bonusları nəzərə almaqla təxminən 30 milyon avroya başa gələcəyi xəbər verilib. Yeni klubu ilə 5 illik müddətə anlaşan 24 yaşlı nigeriyalı futbolçunun illik maaşı 3 milyon avro məbləğində razılaşdırılıb. Samuel yetirməsi olduğu “Vilyarreal”ın əsas komandasında 2018-ci ildən çıxış edir. O, son mövsümdə La Liqada iştirak etdiyi 37 matçda 6 qolun və 4 məhsuldar ötürmənin müəllifi olub.