Rusiyalı tennisçi daha Fransanı təmsil etmək istəyir
Rusiyalı tennisçi Varvara Qraçeva yarışlarda Fransanı təmsil etməyə hazır olduğunu bildirib.
"Football-plus.az" xəbər verir ki, bir neçə gün əvvəl onun Fransa vətəndaşlığı almaq üçün ərizə vermək prosedurunu başa çatdırdığı bildirilmişdi. Xatırladaq ki, 22 yaşlı tennisçi 2016-dan bəri Kannda məşq edir:
“Mən bu prosesə başlayanda indi dünyada yaşananların heç izi-tozu da yox idi. Mən bu haqda qətiyyən düşünmürdüm. Ancaq indi imkandan yararlanmaq fikrindəyəm. Qərar vermək isə məndən yox, gələcəyimi müəyyənləşdirəcək adamlardan asılıdı. Bu ay bütün sənədləri qaydaya salmışıq. Hər şey yaxşı gedir, mənim əsas işim isə tennis oynamaqdı. Hər iki ölkəni təmsil etmək imkanım olsa, buna çox sevinərəm”.
Deyilənə görə, Varvara artıq 28 may – 11 iyun aralığında keçiriləcək növbəti “Rolan Qarros”da Fransanın adından çıxış edə bilər. Dünyanın 54-cü raketkası bu il Ostin turnirinin finalında ukraynalı Marta Kostyuka uduzub.
