Təhlükə “Neftçi” ailəsini birləşdirdi: köhnə, yeni – hamı stadionda olacaq!
Bu gün "Neftçi" Konfrans Liqasının 2-ci təsnifat mərhələsi çərçivəsində evdə "Jelezniçar"la cavab görüşünə çıxır. Bəs 8-ci km stadionunda keçiriləcək oyuna "ağ-qaralar"ın fanklubları axışacaqmı?
"Football-plus.az" bu sualı aydınlaşdırmaq üçün klubla azarkeşlər arasında əlaqələndirici Aqil Məmmədquliyevə tribuna verdi:
"Bütün köhnə və yeni fanklublarımızın hamısı bu gün stadionda olacaq. Hamı "Forza Neftçi" ilə bir sektorda və ya ona yaxın yerlərdə oturaraq dəstəyini göstərəcək. Səsimizlə stadionda əks-səda yaradacaq, “ağ-qaralar"ı qələbəyə səsləyəcəyik. Bilet satışına da nəzər yetirsəz, görərsiz ki, oyuna maraq böyükdü. Elə sonuncu satışa çıxarılan biletlər 25 dəqiqə ərzində satılıb. Bu gün həsrətində olduğumuz şüarları hayqıracağıq".
ABDULLA İSMAYILOĞLU
Digər xəbərlər
