"Neftçi" Sarayevodakı mübariz oyunu ilə tək uğurlu nəticə yox, həm də azarkeşlərin ümidlərini, nikbinliyini qorudu. Artıq çempionatda baxımsız oyunlara və uğursuz nəticələrə görə azarkeşlər ilə klub arasında olan buzlar əriməkdədi. "Jelezniçar"la cavab görüşü üçün fanatların tribunaları dolduracağına inanırıq. Bunun üçün təşkilati işlər aparmaqdayıq. Bazar ertəsi azarkeşlər ilə klub nümayəndələri arasında görüş olacaq. Azarkeşlərin arzu və niyyətləri dinləniləcək. Dəstək, təşkilati işlər və digər məsələlərlə bağlı tövsiyələrini verəcəklər. "Neftçi"sevərlər yalnız qələbə gözləntisi olan azarkeşlər deyil, onlar ənənəsi olan, pis və yaxşı gündə klubun yanında olan fanatlardı".