Ukraynalı boksçu Aleksandr Usik bildirib ki, qarşıdakı üç il ərzində peşəkar karyerasını bitirməyə hazırlaşır:

“Nə vaxta qədər döyüşəcəyimi bilmirəm. Allah hələ ki mənə güc verir. Ancaq gəlin realist olaq. Düşünürəm ki, iki-üç il... Dünyanın bütün pulunu qazanmaq olmaz. Uşaqlarımı görmək istəyirəm. Oğlanlar böyüyür, onlara indi atalarından almalı olduqlarını vermək lazımdı. Bu gün məni nə motivasiya edir? Zəng edib məni çox sevdiyini deyən həyat yoldaşım”.

Bildiyiniz kimi, Usik WBA, WBO, IBF, IBO və “The Ring” versiyaları üzrə ağır çəkidə dünya çempionudu. Ukraynalı peşəkar boksda keçirdiyi 20 döyüşün hamısında qələbə qazanıb (13-ü nokautla). O, avqustun 26-da Polşanın Vrotslav şəhərində britaniyalı Daniel Dyubua ilə döyüşəcək. Son döyüşünü isə ötən il avqustun 20-də Səudiyyə Ərəbistanının Ciddə şəhərində britaniyalı Entoni Coşuaya (26-3) qarşı keçirib və hakimlərin qərarı ilə (116:112, 115:113, 113:115) qalib elan olunub.