Aleksandr Usik: İstəmirəm ki, sonradan dilə-düşə düşüm"
WBA, IBF və WBO versiyaları üzrə superağır çəkidə dünya çempionu Aleksandr Usik (20-0) belə hesab edir ki, WBC versiyası üzrə çempion Tayson Füri (33-0) onun peşəkar boksda “son akkordu” olacaq.
Football-plus.az xəbər verir ki, ukraynalı döyüşçü özünün “yutub” kanalında ona ünvanlanan “necə düşünürsən, Füri ilə oyun son dayanacaqdı” sualını belə cavablayıb:
“Düşünürəm ki, bəli. Vaxtımı uşaqlarımın tərbiyəsinə sərf etmək istəyirəm. Oğlanları məşqə aparmaq, məşqdə onların yanında olmaq, onları məktəbə aparmaq, fomalaşmalarına yardım etmək... Onlar məhz indi həyat yoluna başlayırlar. Kirilin 10, Mixailin 8 yaşı var. Qızımla fərqli davranıram. Bir də harasa yollanmaq, aylarla ailədən uzaq düşmək istəmirəm. Sonuncu uzun toplanış zamanı öz-özümə düşündüm ki, “oğlanlar böyüyür, mən isə onların yanında deyiləm”. Telefon, videoəlaqə yolu ilə verməli olduğun şeyi verə bilməzsən. Əlbəttə, hər şeyin bir son nöqtəsi var. Elə idmançı karyerasının da. Bunun üzərində düşünürəm. Bundan sonra da yaşamaq, başqa bir iş qurmaq istəyirəm. Hər şeyə real baxmaq lazımdı. O qədər də qoca deyiləm. 35 yaşım var, ancaq görürəm ki, hansısa resurslar tükənir. Və sadəcə, istəmirəm ki, sonradan dilə-düşə düşüm. Özünüaldatma ilə məşğul olmağa dəyməz. Yeni gənclərin gəldiyini, onların daha sürətli, daha dözümlü olduğunu anlayırsansa, sadəcə, özünə bu sözləri demək lazımdı: “Dostum, başqa fəaliyyət sahəsi seç və çalış”.
Xatırladaq ki, Usik avqustun 20-də Ciddədə keçirdiyi sonuncu döyüşdə Entoni Coşuaya qalib gəlib və indi bütün boks dünyası səbirsizliklə ukraynalının Tayson Füri ilə oktaqonda üz-üzə gələcəyi günü gözləyir.
Digər xəbərlər
