“Böyük dəbilqə” turnirlərinin 22 qat qalibi Rafael Nadalın əmisi və sabiq məşqçisi Toni Nadal onun durumu haqda danışıb.

“Football-plus.az” xəbər verir ki, “Marca” Toninin aşağıdakı fikirlərinə yer verib: “Rafanın vəziyyəti yaxşıdı, indi o məzuniyyətdədi və 2024-də korta qayıtmaq istəyir. Ümid edirik ki, Karlos Alkaras bizə hələ hansısa turniri qazanmağa imkan verəcək. Rafael dönüşünə və karyerasını kortda bitirməyə şad olacaq”.

Xatırladaq ki, Nadal iyunun əvvəlində əməliyyat olunub, bərpa prosesi 5 ay sürəcək. Onun sol ayağında artroskopik prosedurun həyata keçirildiyi bildirilir. 37 yaşlı ispaniyalı “Böyük dəbilqə”nin 22 qat qalibi olmaqla yanaşı, fərdi hesabda 92 ATP titulu qazanıb. Ümumilikdə 357 oyun keçirən Nadal bunların 314-də qələbə qazanıb.