“Rakuv” – “Qarabağ” oyunun rusiyalı həmkarlarımızın da diqqət mərkəzində olub. Çempionlar Liqasının həmin gecə keçirilən oyunlarının icmalını hazırlayan “Sport-Ekspress”in əməkdaşı “Qarabağ”ın qapıçısının qara günü” yarımsərlövhəsindən yararlanıb.

"Football-plus.az" xəbər verir ki, “Qarabağ” və “Rakuv” qışda Türkiyə toplanışında qarşılaşmışdı. Ancaq 15 ildi “Qarabağ”a rəhbərlik edən Qurban Qurbanovun da haqlı olaraq qeyd etdiyi kimi, həmin vaxtdan çox şey dəyişib və polşalılar sürpriz edə bilərlər. Yalnız baş məşqçi, çətin ki, hədsiz məyusedici qollardan sonra komandasının faciənin astanasında olacağını güman edərdi. Qollardan birincisi Cəfərquliyevin səhvinin nəticəsi oldu, ondan sonra Məhəmmədəliyev topu qapı xəttində saxlaya bilmədi. Ardından Mahaçqalada doğulan qapıçı başla düz qapının mərkəzinə vurulan, o qədər də güclü olmayan zərbəni izaholunmaz şəkildə buraxdı.

Bundan sonra batmaq və ya dağılmaq çox asan idi, ancaq “Qarabağ”ın oyunçuları həm özləri, həm də qapıçı üçün oynadılar. Bu söz ilk növbədə albaniyalı Cicaya aiddi. O, əvvəlcə cərimə meydançasının qövsü üzərindən gözəl baş zərbəsi vurdu, ardından Keyta cinahda fəndlərlə müdafiəçini “yelləyəndən” sonra topu sinəsi ilə tora göndərdi.

Üç dəqiqə ərzində 2:0 2:2-yə çevrildi, qonaqlar irəli şığıdı, ancaq sonda Məhəmmədəliyev 3-cü dəfə təslim oldu. Bir dəfə qapıçını xətdə dayanan müdafiəçi xilas etdi, ancaq Kittelin uzatma dəqiqələrində yaxın yuxarı küncə vurduğu zərbə “Rakuv”a qələbə qazandırdı. Bir həftə sonra bu oyunun Bakıda daha emosional davamı gözlənilir.