Çempionlar Liqasının 2-ci təsnifat mərhələsində Polşa “Rakuv”u ilə qarşılaşacaq “Qarabağ” ilk oyun üçün səfərə yollanıb.

"Football-plus.az" xəbər verir ki, ölkə çempionunu Polşaya aparan təyyarə az öncə Heydər Əliyev Beynəlxalq Aeroportundan havaya qalxıb.

Bu gün ağdamlıların “Miejski” stadionunda oyunöncəsi son məşqi olacaq. Məşq Bakı vaxtı ilə saat 22.00-a nəzərdə tutulub. Bundan əvvəl isə baş məşqçi Qurban Qurbanovun mətbuat konfransı təşkil olunacaq.

Qeyd edək ki, iyulun 26-da keçiriləcək “Rakuv” – “Qarabağ” görüşü Bakı vaxtı ilə saat 22.15-də start götürəcək.