“Hazırlığın ikinci həftəsindəyik. Həftəsonunu maraqlı qarşılaşma ilə bitirməyi daha məqsədəuyğun saydıq. “Qarabağ-2”nin Şamaxıda təlim-məşq toplanışında olması bizim üçün fürsət idi. Hesab önəm kəsb etmədiyi üçün müəyyən tapşırıqların icrasını asanlaşdırmağa çalışdıq. Fikrimcə, komanda istədiklərimi 60-70 faiz bacardı. Heyət böyük ölçüdə komplektləşib. “Transfer pəncərəsi” açıq olduğu müddətdə bizə faydalı olacaq futbolçuları “rənglərimizə bağlamağa” çalışacağıq. Növbəti həftə daha iki yoxlama görüşü keçirmək niyyətindəyik. Rəqiblərlə danışıq gedir. Ümid edirəm ki, avqustun 3 və 4-ü üçün razılıq əldə olunacaq. Danışıqlar tam yekunlaşmadığı üçün ad açıqlaya bilmərəm”.