Vüqar Əsgərli "Şamaxı"nın yeni transferlərini açıqladı - ÖZƏL
Ötən mövsüm uğursuz çıxışla yadda qalan "Şamaxı" elitanı tərk etdi.
Bölgə təmsilçisi növbəti "futbol ili"ndə premyer-liqaya qayıtmaq niyyətindədi. Baş məşçi Vüqar Əsgərli komandanı məhz bu məqsədlə formalaşdırır.
Qəribədi ki, klubun sosial şəbəkə hesablarında hazırlıq planı haqda məlumat paylaşılmır. "Şamaxı"da nə baş verir? Heyətlə bağlı dəyişikliklər var?
Baş məşqçi Vüqar Əsgərli "football-plus.az"ın suallarını cavabladı:
"Biz dayanmamışıq. İşlərimiz davam edir. İnşallah, iyulun 17-də məşqlərə start veriləcək. Heyətə yeni qatılan futbolçular da var. "Turan Tovuz"dan Abbas Ağazadə, Elçin Qasımov və Xəyyam Hüseynovu, "Qəbələ"dən Süleyman Damadayev və Salman Ələsgərovu, "Kəpəz"dən isə Samir Məhərrəmlini transfer etmişik. Qarşıdakı həftə ərzində bu məlumatlarla yanaşı, digər detallar da ictimaiyyətə açıqlanacaq".
Qeyd edək ki, "Şamaxı" daha öncə "Zaqatala"dan Cəlal Cəbrayılovu, "Neftçi-2"dən Elşad Tağıyevi transfer edib.
Digər xəbərlər
