"Neftçi"nin Konfrans Liqasının 2-ci təsnifat mərhələsindəki rəqibi Bosniya və Herseqovina “Jelezniçar”ı təmsilçimizlə cavab oyunu üçün Bakıya ciddi itkilərlə gələcək.

"Football-plus.az" xəbər verir ki, Amar Drina görüşü buraxacaq. Buna səbəb 21 yaşlı müdafiəçinin ilk görüşdə (2:2) sarı vərəqə alması olub. Bu, onun cari mövsüm avrokuboklarda 3-cü rəsmi xəbərdarlığıdı. Futbolçu cəzalı duruma düşüb.

Komandanın oyunçularından Edin Kokaliç, Edin Rustemoviç və Semir Ştiliç ilk matçda iştirak etməyiblər. Onların cavab görüşündə də meydana çıxmayacağı gözlənilir. İrfan Yaşareviç və Cozef Amoa isə “Neftçi” ilə qarşılaşmada zədələnərək meydanı tərk ediblər.

Qeyd edək ki, avqustun 3-də "Bakcell Arena"da keçiriləcək qarşılaşma saat 21.00-da başlayacaq.