Bəxtiyar "Kəpəz"ə keçməsinin səbəbini açıqladı
Millimizin futbolçusu Bəxtiyar Həsənalızadənin "Kəpəz"ə keçməsinin səbəbi bəlli olub.
"Football-plus.az" xəbər verir ki, bu barədə 31 yaşlı müdafiəçi klubun mətbuat xidmətinə açıqlamasında deyib.
O bildirib ki, Azərbaycanda bir neçə komandadan təklif alsa da, Gəncə təmsilçisinə keçməyə qərar verib:
"Düşündüm ki, mənim üçün ən yaxşı yer məhz "Kəpəz"di. Ona görə də bu komandanı seçdim".
Təcrübəli oyunçu yeni komandasına tez uyğunlaşmaq istədiyini söyləyib:
"Yaxşı kollektiv qurulub, hamı bir-birilə mehribandı. Komandaya xeyir vermək üçün əlimdən gələni edəcəyəm".
Həsənalızadə "Kəpəz" azarkeşlərindən də söz açıb:
"Onlar sayılıb-seçilən fanatlardı. Hər oyunda kifayət qədər tərəfdar olur. Stadionda yaxşı atmosfer yaradırlar. Onları sevindirmək üçün bütün gücümüzü ortaya qoyacağıq.Ümid edirəm ki, bu mövsüm daha yaxşı nəticələr qazanacağıq".
Qeyd edək ki, Bəxtiyar Həsənalızadə "Kəpəz"lə 1 illik müqavilə imzalayıb.
Digər xəbərlər
