''Yaşına görə həqiqətən də özəl bir istedadı var. Mükəmməl bir sol ayağa malikdi. Yaxın müddətdə bunu futbolsevərlər də görəcək. Sol ayağı ilə əla zərbələrə malikdi və texnikasına da söz ola bilməz. Arda Gülərin transferi gələcək baxımından çox ağıllı bir addımdı. Amma hamımız bilirik ki, ''Real'' kimi klubda uğurlu karyera qurmaq üçün tək istedad və texnika yetərli deyil. Ortaya başqa amillər də çıxır. Fiziki baxımdan nə dərəcədə güclü olması, zədələrdən qaçmaq, çətinliyin və təzyiqin öhdəsindən gəlmək kimi məqamlar həlledici olacaq. Arda ilə bağlı hələ ki, bu sualların cavablarını bilmirik. Ona görə də onun haqda danışarkən daha çox gələcək zamandan bəhs edirəm. Amma həqiqətən özəl istedada malik olduğunu düşünürəm. Onun ən çox diqqətimi çəkən özəlliyi öyrənməyə meyl etməsi və məsləhətləri böyük səbrlə dinləməsidi. Çox səmimidi və nəyisə anlamadıqda soruşur, öyrənməyə çalışır. Halbuki indi 17-18 yaşlı gənclərin çoxu özündən razı olur. Düşünürlər ki, artıq hər şeyi bilirlər və yeni nəsə öyrənmələrinə ehtiyac olmadığına inanırlar. Amma bu, Ardaya aid deyil''.