Dünən Konfrans Liqasının 2-ci təsnifat mərhələsinin ilk oyunu çərçivəsində daha 6 qarşılaşma keçirildi.

"Football-plus.az" xəbər verir ki, ''Fənərbaxça'' yenilənmiş heyətlə yeni mövsümün ilk rəsmi oyununa çıxdı. Öz meydanında Moldova təmsilçisi ''Zimbru'' ilə qarşılaşan İstanbul nəhəngi gözlənildiyi kimi asan qələbə qazanaraq cavab oyununa intriqa saxlamadı. Rəqibini 5 cavabsız qolla darmadağın edən ''Fənər''in heyətində Fərdi Kadıoğlu, Kent, Ceko, Şimanski və Kinq fərqlənib. Yəni 5 qoldan 3-nü yeni transferlər vurub. Ceko qolla yanaşı aktivinə 2 məhsuldar ötürmə də yazıb. O, sonuncu dəfə avrokuboklarda bir oyuna 2 məhsuldar ötürməni 2011-ci ildə ''Mançester Siti''nin heyətində ''Bavariya'' ilə oyunda vermişdi.

Ən əsası ''Fənərbaxça'' avrokuboklarda özünün ən böyükhesablı qələbəsini təkrarlayıb. ''Sarı-lacivərdlilər''in buna qədər Avropa səhnəsində 5:0 hesablı qələbəsinə 2008-ci ildə MTK, 2006-cı ildə ''Torshavn'' və 1994-cü ildə təmsilçimiz ''Turan" ilə qarşılaşmada rast gəlinmişdi.

Əli