Bu gün Azərbaycan klubları üçün Konfrans Liqasının yeni mövsümü start götürüb.

"Football-plus.az" xəbər verir ki, “Sabah” tarixində ilk dəfə bu turnirdə oyuna çıxıb. “Bayquşlar” səfərdə Latviya təmsilçisi RFŞ-in qonağı olub. Qarşılaşma İTV vasitəsiylə canlı yayınlanıb.

Konfrans Liqası
2-ci təsnifat mərhələsi, ilk oyun
RFŞ (Latviya) – Sabah 0:2
Boyan Letiç, 22, Davit Volkov, 54
RFŞ: 1. Pavel Şteynbor, 7. İsmael Diomande, 10. Emerson, 11. Roberts Savaļniyeks. 17. Sedrik Kuadio, 19. Andrey İliç, 23. Herdi Prenqa, 25. Pyotr Mareş, 26. Stefan Panits, 27. Adam Marxiyev, 43. Jiqa Lipuşçek
Ehtiyat oyunçular: 13 Yevgeni Neruqal, 16. Sergey Vilkov, 2. Vladislav Sorokin, 3. Artur Zyuzin, 8. Daniels Ontujans, 9. Yanus İkauniyeks, 18. Dmitri Zelenkov, 22 Darko Lemayiç, 52. Martsis Oş, 70. Draqolyub Saviç, 92. Vitali Yaqodinski, 99. Qleb Zaleyko
Baş məşqçi: Viktor Moroz
"Sabah": 1. Yusif İmanov, 2. Amin Seydiyev, 3. Con İrasabal, 44. Sofian Çakla, 7. Boyan Letiç, 4. Elvin Camalov, 10. Aleksey İsayev, 15. Kristian da Silva, 18. Davit Volkov, 9. Anatoli Nuriyev, 77. Namik Ələskərov
Ehtiyat oyunçular: 16. Rustam Samiqullin, 55. Nicat Mehbalıyev, 5. Rəhman Daşdəmirov, 6. Şakir Seyidov, 12. Vinsent Till, 17. Tellur Mütəllimov, 19. Emmanuel Apeh, 20. Coy Lens Mikels, 21. İldar Alekperov, 22. Seymur Məmmədov, 27. Jarl Marqarita, 29. Ceyhun Nuriyev
Baş məşqçi: Murad Musayev
Hakimlər: YAN MAÇALEK, Adam Horak, Yan Vana, Pavel Orel (hamısı Çexiya).
Hakim-inspektor: Kostadin Gerginov (Bolqarıstan).
UEFA nümayəndəsi: Maria Mifsud (Malta).
26 iyul. Riqa. “Sloka-Yurmala” stadionu. Saat 20.00

“Sabah” tarixində ilk dəfə avrokuboklara vəsiqə qazansa da, qarşılaşmanın favoritidi. Həm futbolçuların keyfiyyəti, həm də gücü baxımından komanda rəqibini üstələyir. Murad Musayevin təcrübəsini də nəzərə alsaq, “tələbələr”in səfərdən qələbə ilə dönmək ehtimalı artır. Rusiyalı mütəxəssisin sərəncamında olan futbolçulardan ikisi zədəlidi. Söhbət Coy-Lens Mikelslə Jarl Marqaritadan gedir. Amma onların problemi o qədər də ciddi deyil. Son yoxlama matçlarında meydana çıxmayan oyunçular Murad Musayevin istəyindən asılı olaraq oyunda iştirak edə bilər.

Klublarımız avrokuboklarda çıxış tarixində 3-cü dəfə Latviya təmsilçisini sınağa çəkəcək. “Kəpəz” Kuboklar Kubokunun 1997/98 mövsümündə “Dinaburq”a hər iki oyunda uduzub, “Şəmkir” isə ÇL-in 2000/01 mövsümündə “Skonto”nu mübarizədən kənarlaşdırıb.