"Sabah" və "Neftçi"nin Konfrans Liqasının 2-ci təsnifat mərhələsinin ilk oyunları üçün hakim təyinatları açıqlanıb.

"Football-plus.az" UEFA-nın saytına istinadən xəbər verir ki, iyulun 26-ı keçiriləcək (Bakı vaxtı ilə saat 20:00) RFŞ (Latviya) - "Sabah" görüşünü Çexiya Futbol Federasiyasından Yan Maxalek idarə edəcək. Ona Adam Harak və Yan Vana köməklik göstərəcək. Dördüncü hakim funksiyasını Pavel Orel yerinə yetirəcək.

İyulun 27-i keçiriləcək (Bakı vaxtı ilə saat 22:30) "Jelezniçar" (Bosniya və Herseqovina) - "Neftçi" matçının baş hakimi Estoniya Futbol Federasiyasından Yuri Frişer olacaq. Köməkçi hakimlər Veyko Mıtsnik və Sander Saqa, dördüncü hakim Kevin Kayvo təyin olunub.

Qeyd edək ki, "Sabah" və "Neftçi"nin cavab qarşılaşmaları avqustun 3-ü oynanılacaq.