"Azarkeş olaraq dəstəklədiyimiz komandanın sevilən futbolçularından birinin ayrılığı hər zaman üzücü olur. Futbolçu uzun illərdi komandadadısa, azarkeşlərlə sıx bağları varsa, ayrılıq daha da emosional olur. Amma onun "Qarabağ"dan gedəcəyi ilə bağlı söhbət bir müddətdi var və müəyyən qədər buna hazır idik. Öz karyerasını düşünərək seçimini edib. Tarixi uğurlar qazandığı, kapitanlıq etdiyi komandanın azarkeşi olaraq bu seçimə hörmət edirik. Çünki Qara da həmişə azarkeşlərlə münasibətində fərqlənən futbolçulardan olub. Əsas odu ki, bu ayrılıq komandamızı zəiflətməyəcək, onsuz da "Qarabağ" heç vaxt bir futbolçudan asılı olmayıb".

Qara Qarayev "Neftçi"yə karyerasını düşünüb keçdiyini, uğurlu olacağına inandığını bildirib. "Qarabağ" geniş, eynisəviyyəli heyətə malikdi. "Neftçi" və digər komandalarda isə rəqabət nisbətən zəifdi. Qaranın "Neftçi"də asanlıqla heyətə düşəcəyinə, daha çox oynayacağına və bu baxımdan uğurlu olacağına inanıram. Lakin klub, komanda səviyyəsində uğur üçün ideal komandadan ayrıldığını hamımız yaxşı bilirik. "Qarabağ"dan ayrılaraq "Neftçi"yə keçən heç bir futbolçunun gedişinə üzülmürəm, üzülmərəm. Yalnız həmin futbolçunun adına karyerasında geriyə addım atdığına məyus ola bilərəm. O ki qaldı azarkeş kimi Qaranın rəqib komandaya keçməsinə... "Neftçi" artıq bir neçə ildi bizimlə heç rəqabət də apara bilmir. "Qarabağ"ın çempionatda rəqibsiz olduğunu son mövsüm bir daha gördük. "Sabah"la çox maraqlı, rəqabətli oyunlarımız oldu. Növbəti mövsüm də "Sabah" əsas izləyicimiz olacaq, onlarla oynamaq bizə həmişə daha çox rəqabət hissi, zövq yaşadır. Qara hansı komandaya getsə, bu münasibətdə olardım, ona qarşı heç bir üzüntümüz, qırğınlığımız olmaz. Yenə də ümid edirəm ki, karyerasının son illərində istədiyi qədər oynamaq şansı qazanar".

"Dünya sürətlə dəyişir. İnsanlar, onların fikirləri, hədəfləri, yaşam tərzi, hər şey dəyişir. Elə futbol da. Bu gün baxırıq ki, ərəblər futbola külli miqdarda pul xərcləyir ,bütün ulduzlar ərəb liqalarına axışır. Futbola azarkeş olaraq nə qədər anlam yükləsək də, qəbul etməliyik ki, sadəcə, bir oyundu, əyləncədi, böyük pullar üzərində qurulub. Qara "Qarabağ"ın yetirməsidi, uzun illər formamızı geyinib, ancaq getmək qərarı veribsə, bizə də buna hörmətlə yanaşmaq düşər. Daha yaxşı təklifi varsa, niyə də getməsin?

Futbolçu həyatı qısadı. Uzağı 5 ilə karyerasını bitirəcək. Subay oğlandı, sabah ailə quracaq, övladlarını yaxşı məktəblərdə oxutdurmaq, yaxşı həyat vermək istəyəcək. Ona görə də qəti qınamıram onu. "Pul hər şey deyil" fikrini söyləyən adamlardan deyiləm. Həyat şərtləri insanı məntiqlə düşünməyə qoymur. Uğurlar Qaraya. Həyatda itirdiyi tək şey ikiulduzlu forma olsun".