Komanda artıq yeni sponsorla da müqavilə bağlayıb. Bu o deməkdi ki, İmişli təmsilçisi daha da iddialı olacaq. Detallı bilgiləri komandanın baş məşqçisi Ruhid Usubov "Football-plus.az" saytına açıqladı:
"İyulun 10-15-i aralığında seçimlərimiz olacaq. Avqustda isə toplanış start götürəcək. Yaxın rayonların birində 10 gun təlim-məşq toplanışı keçirməyi planlaşdırırıq. Heyətdə dəyişiklik olacaq. Ötən il özünü yaxşı tərəfdən göstərən oyunçularla müqaviləni yeniləyəcəyik. Bu il verilən qərarlar çox sevindirici oldu. İdman prinsipinin qorunması bizə elavə motivasiya verdi. Bu yaxınlarda "İmişli"sevərlər üçün xoş bir hadisə də gerçəkləşdi. Artıq sponsorumuz var. Bu, işlərimizin qaydasına düşməsi deməkdi. Yəni, autsayderdən iddialı komandaya çevrilirik. Məqsədimiz çempionluq üçün oynamaqdı".
ABDULLA İSMAYILOĞLU
