"Əvvəlki açıqlamalarımda dediyim kimi, bir çox mütəxəssislə danışıqlar aparmışıq və aparırıq da. Onlar arasında Əsgər Abdullayev də var. Millimizin sabiq baş məşqçisi xidmətində maraqlı olduğumuz namizədlərdəndi. Amma hələ ki rəsmi heç nə yoxdu. Emin İmaməliyev məsələsinə gəlincə, hər bir baş məşqçi hansı kluba gedirsə, mütləq köməkçilərini də gətirir. Biz köməkçi məşqçi kimi Ruhid Usubovun da xidmətində maraqlıyıq və bunu namizədlərimizə də demişik. Buna rəğmən, yeni baş məşqçimiz özü ilə köməkçilər də gətirə bilər. Emin İmaməliyev Əsgər müəllimin yetirməsidi, futbolçu kimi zəngin karyeraya malik olub. Məşqçi kimi də enerjili, iddialıdı. Əsgər müəllim həm 1-ci liqa, həm premyer-liqa, həm də yığma təcrübəsi olan mütəxəssisdi. Odu ki, hər iki simanın komandamıza fayda verəcəyini düşünürük. Sadəcə, qeyd etdiyim kimi, hələ məsələ tam həllini tapmayıb. Qarşıdakı günlərdə hər şeyə aydınlıq gələcək".