“Real Sosyedad” yeni mövsüm ərəfəsində ciddi itki ilə üzləşib.

"Football-plus.az" xəbər verir ki, komandanın yarımmüdafiəçisi David Silva zədə alıb.

Məşqdə 37 yaşlı futbolçunun sol dizinin xaçvarı bağları qırılıb. Onun aqibəti gələn həftəyə nəzərdə tutulan geniş müayinə nəticəsində məlum olacaq. Qeyd edək ki, idmançılar bu tip zədəyə görə bir neçə aylığa sıradan çıxırlar.

Silva “Real Sosyedad”da 2020-ci ildən çıxış edir. O, ötən mövsüm 34 matçda meydana çıxıb, 3 qol vurub və 7 məhsuldar ötürmə edib.