Stadion rəsmisi “Qarabağ” – “Linkoln Red İmps” oyununda yaşanan problemlərdən danışdı
Dünən baş tutan “Qarabağ” – “Linkoln Red İmps” görüşü ilə bağlı müəyyən narazılıqlar var idi. Bunların hamısı stadionla bağlı idi. BOS-un jurnalistləri 5-ci mərtəbəyə qaldıran liftlərindən biri işləmirdi. Bu da oyun vaxtı həmin girişdə sıxlığın yaranmasına səbəb oldu. Bundan əlavə, meydanın ot örtüyündə müəyyən saralmalar gözə dəydi. Düzdü, bu məsələ oyuna təsir etmədi. Lakin görüntü olaraq heç də xoş deyildi.
Daha bir şikayət isə arena daxilində satılan qida məhsullarının qiyməti ilə bağlı idi. Yarım litrlik su 2, sadə hotdoq isə 5 manat idi. Bu da bir çox azarkeşin etirazına səbəb oldu.
Qeyd olunanlara münasibət bildirməsi üçün BOS-un mətbuat xidmətinin rəhbəri Fərid Əsədzadə ilə əlaqə saxladıq. Onun “Football-plus.az”a açıqlaması belə oldu:
“Əvvəlcə otun vəziyyəti ilə bağlı danışmaq istəyirəm. Deməzdim ki, çox bərbad halda idi. Bilirsiz, Bakıda ən isti günlər iyul və avqust aylarına təsadüf edir. Bu üzdən saralmaların olması normaldı. Amma bununla bağlı nə “Qarabağ”dan, nə də “Linkoln Red İmps”dən şikayət eşitdik. Görüntü xoş olmaya bilər. Əsas otun keyfiyyəti qaydasında idi. Deyə bilərəm ki, futbol oynamaq üçün yaxşı vəziyyətdə idi.
Liftlə bağlı problem isə ciddidi. İstəmədən jurnalistləri orda gözlətdik. Qəza vəziyyəti hiss edilən zaman liftin fəaliyyəti dayandırıldı. Xidmətə istismarı bağlandı. Çünki məsələ aydınlaşdırılmalı, həll yolu tapılmalı idi. Bundan sonra istismara verilməli idi. Məsələnin həll yolunu tapmadan, problemin nədən qaynaqlandığını bilmədən liftin işləməsinə imkan versəydik, böyük faciə ola bilərdi. Heç kim nədənsə sığortalanmayıb. Bu səbəbdən də liftin fəaliyyətini dayandırdıq. Bizim üçün insan həyatı daha önəmlidi. Ola bilər ki, kimsə zamanını, vaxtını itirdi. Sadəcə, yoxlayıb, işlədi deyə düşünüb, lifti istismara verə bilməzdik. Heç vaxt bu riskə getməzdik, getməmişik də. Düzdü, heç xoş mənzərə olmadı. Haqlısız, jurnalistlər gözlədilər. Digər liftə yük çox düşdü. Bu da onun sürətinə təsir etdi. Hamısını başa düşür və anlayırıq. Amma jurnalistlərin sağlamlığı və həyatı bizim üçün daha önəmli idi. Təəccüblü məqam budu ki, Bakı Olimpiya Stadionunda 26 lift var. Sadəcə, jurnalistlərin istifadə etdiyi qurğunun sıradan çıxması şanssızlıq idi (gülür). Stadionda ilk dəfə idi ki, belə vəziyyət yarandı. Səbəbini aydınlaşdıracağıq. Çalışacağıq ki, növbəti oyunlarda belə hadisələr yaşanmasın. Hər oyundan əvvəl bütün təhlükəsizlik tədbirlərini görürük. Avadanlıqları yoxlayırıq. Hamı qəbul edər ki, “fors-major” hallardan qaçmaq olmur. Çünki elektrik avadanlıqları ilə işləyirik.
Qiymət məsələsinə gəlincə, buna əvvəl də cavab vermişdik. Bakı Olimpiya Stadionu bu məsələlərə qarışmır. Təşkilatçı podratçı kampaniyalarla müqavilə bağlayır. Onlar da bunun əsasında stadionda xidmət göstərir. Biz stadionuq, "Qarabağ" da futbol klubu. Bizim sendviç, su satmaq kimi xidmətimiz yoxdu. Klub müəyyən şirkətlərlə müqavilə bağlayır, onlar da xidmət göstərir”.
Liftlə bağlı problem isə ciddidi. İstəmədən jurnalistləri orda gözlətdik. Qəza vəziyyəti hiss edilən zaman liftin fəaliyyəti dayandırıldı. Xidmətə istismarı bağlandı. Çünki məsələ aydınlaşdırılmalı, həll yolu tapılmalı idi. Bundan sonra istismara verilməli idi. Məsələnin həll yolunu tapmadan, problemin nədən qaynaqlandığını bilmədən liftin işləməsinə imkan versəydik, böyük faciə ola bilərdi. Heç kim nədənsə sığortalanmayıb. Bu səbəbdən də liftin fəaliyyətini dayandırdıq. Bizim üçün insan həyatı daha önəmlidi. Ola bilər ki, kimsə zamanını, vaxtını itirdi. Sadəcə, yoxlayıb, işlədi deyə düşünüb, lifti istismara verə bilməzdik. Heç vaxt bu riskə getməzdik, getməmişik də. Düzdü, heç xoş mənzərə olmadı. Haqlısız, jurnalistlər gözlədilər. Digər liftə yük çox düşdü. Bu da onun sürətinə təsir etdi. Hamısını başa düşür və anlayırıq. Amma jurnalistlərin sağlamlığı və həyatı bizim üçün daha önəmli idi. Təəccüblü məqam budu ki, Bakı Olimpiya Stadionunda 26 lift var. Sadəcə, jurnalistlərin istifadə etdiyi qurğunun sıradan çıxması şanssızlıq idi (gülür). Stadionda ilk dəfə idi ki, belə vəziyyət yarandı. Səbəbini aydınlaşdıracağıq. Çalışacağıq ki, növbəti oyunlarda belə hadisələr yaşanmasın. Hər oyundan əvvəl bütün təhlükəsizlik tədbirlərini görürük. Avadanlıqları yoxlayırıq. Hamı qəbul edər ki, “fors-major” hallardan qaçmaq olmur. Çünki elektrik avadanlıqları ilə işləyirik.
Qiymət məsələsinə gəlincə, buna əvvəl də cavab vermişdik. Bakı Olimpiya Stadionu bu məsələlərə qarışmır. Təşkilatçı podratçı kampaniyalarla müqavilə bağlayır. Onlar da bunun əsasında stadionda xidmət göstərir. Biz stadionuq, "Qarabağ" da futbol klubu. Bizim sendviç, su satmaq kimi xidmətimiz yoxdu. Klub müəyyən şirkətlərlə müqavilə bağlayır, onlar da xidmət göstərir”.
İLKİN SULTANLI
Digər xəbərlər
