“Barselona” daha iki transfer əməliyyatını rəsmiləşdirib.

"Football-plus.az" xəbər verir ki, “Jirona”dan Oriol Romeu transfer edilib.

31 yaşlı yarımmüdafiəçi ilə 3 illik müqavilə imzalanıb. Kataloniya klubu ispaniyalı oyunçuya 400 milyon avro satış qiyməti qoyub. “Barselona”nın Romeu üçün 5-6 milyon avro təzminat ödəyəcəyi bildirilir. Klubun yetirməsi olan Oriol daha əvvəl “Valensiya”, “Ştutqart”, “Sauthempton” və “Çelsi”də çıxış edib. O, 2012-ci ildə “Çelsi” ilə Çempionlar Liqasının qalibi olub.

Maraqlıdı ki, “Jirona” “Barselona”dan Pablo Torreni icarə statusu ilə heyətinə cəlb edib. Qeyd edək ki, İspaniya nəhəngi 20 yaşlı futbolçunu ötən ilin yayında “Rasinq”dən transfer edib. İspaniyalı yarımmüdafiəçi son mövsümdə meydana çıxdığı 16 rəsmi oyunda 2 məhsuldar ötürmə edib.