Gözlənildiyi kimi, Netu “Barselona”nı tərk edib.

"Football-plus.az" xəbər verir ki, onu “Bornmut” transfer edib.

İngiltərə klubu 33 yaşlı qapıçı ilə birillik müqavilə bağlayıb. Netu yeni klubuna heç bir təzminat ödənilmədən keçib. Qeyd edək ki, braziliyalı qapıçı “Barselona”ya 2019-cu ildə transfer olunmuşdu.

Yeri gəlmişkən, “Mançester Siti”nin oyunçusu Bernardo Silvanın “Barselona”ya keçidi sona çatmaq üzrədi. İspaniya mənbələrinin xəbərinə görə, portuqaliyalı yarımmüdafiəçi artıq Barselonada ev axtarışına başlayıb. Bernardo MS-də 2017-ci ilin yayından çıxış edir. O, indiyədək bu klubun heyətində 251 rəsmi oyunda meydana çıxıb, 48 qol vurub və 50 məhsuldar ötürmə edib.

“Siti” isə heyətinə daha bir futbolçu cəlb etmək üzrədi. İngiltərə çempionu “Anderlext”in gənc oyunçusu Serxio Qomesi transfer etməyə yaxındı.

“Şəhərlilər” 21 yaşlı yarımmüdafiəçi və onun klubu ilə danışıqların sonuncu mərhələsinə başlayıblar. Tərəflərin keçidi tezliklə yekunlaşdırmaq ehtimalı yüksəkdi. “Anderlext”in Qomes üçün ən azı 15 milyon avro təzminat alacağı da bildirilir.

Qeyd edək ki, Serxio karyerası ərzində daha əvvəl “Barselona”nın əvəzedici komandasında, “Borussiya” (Dortmund) və “Ueska”da oynayıb.