Derbidə “Fenerbaxça”nı məğlub edən “Qalatasaray” superliqada ardıcıl 7-ci qələbəsini qazandı.

Football-plus.az xəbər verir ki, komandanın sonuncu dəfə belə seriyası 2012/13-də Fatih Terimin dönəmində 26-32-ci turlarda qeydə alınmışdı.

Eyni zamanda ardıcıl 7 qələbə Okan Burukun məşqçi karyerasının yeni rekordudu.

Bundan əlavə, “Qalatasaray” ilk dövrədə İstanbul təmsilçilərinə qarşı keçirdiyi 7 oyunun hamısından qələbəylə ayrıldı!

Həmçinin, İstanbul klubu bu mövsüm səfərdə ən çox qələbə (7) qazanan, ən çox qol (20) vuran, ən çox xal (23) toplayan və ən çox oyunda qapısını toxunulmaz saxlayan (7) komandadı.

Okan Buruk Karl-Haynts Feldkampdan (1993 aprel) bəri “Qalatasaray”ın başında “Fənər”ə qarşı səfərdəki ilk derbidən qələbəylə ayrılan birinci məşqçi oldu.