“CBC Sport" "Matç TV" ilə danışıq aparıb? - AÇIQLAMA
"Matç TV" telekanalının təşkil etdiyi “PARİ Premyer kuboku”nda ölkəmizi "Neftçi" təmsil etdi. Lakin "ağ-qaralar"ın turnirdə keçirdiyi 3 oyunu heç bir yerli telekanal yayınlamadı. Deyilənə görə, “CBC Sport” buna cəhd göstərsə də, razılıq əldə olunmayıb.
Detalları öyrənmək üçün "CBC Sport"un şərhçilər qrupunun rəhbəri Rüstəm Əfsərli ilə əlaqə saxladıq. Onun "Football-plus.az"a açıqlaması belə oldu:
"Telekanal olaraq bu barədə qarşı tərəflə heç bir danışıq aparmadıq. "Neftçi" rəhbərliyi bizə bildirdi ki, "Matç TV" oyunların digər kanallarda yayınlanmasını istəmir".
Qeyd edək ki, 'Neftçi" turnirdə “Zenit”, “Srvena Zvezda” və “Fənərbaxça”ya qarşı keçirdiyi oyunların hamısında meydanı məğlub tərk edib.
CAVİD ƏLİYEV
Digər xəbərlər
