Premyer-liqanın 2023-2024-cü il mövsümündə iştirak edəcək “Araz-Naxçıvan”da məşqçilər korpusu müəyyənləşib.

"Football-plus.az" klubun rəsmi saytına istinadən xəbər verir ki, baş məşqçi Azər Bağırovun 5 köməkçisi olacaq. Rail Məlikov köməkçi, Miloş Yevtiç fiziki hazırlıq, Araz Bağırov analitik, Əfran İsmayılov seleksiya, Ramiz Kərimov qapıçılarla işləyən məşqçi vəzifəsini yerinə yetirəcək. Baş məşqçi Azər Bağırov və köməkçiləri ilə bir illik müqavilə imzalanıb.

Qeyd edək ki, Azər Bağırov 2022-ci ilin yayından Naxçıvan təmsilçisini çalışdırır. Komanda onun rəhbərliyi ilə ötən mövsüm birinci divizionun qalibi olub və Premyer Liqaya yüksəlib.