"Araz Naxçıvan"ın baş məşqçisi Azər Bağırova növbəti mövsümdə klubun premyer-liqadakı yerini qoruması tapşırılıb. Təcrübəli mütəxəssis bu üzdən düzgün seçim etmək məcburiyyətindədi. Bilindiyi kimi, növbəti mövsüm avqustun 4-də başlayacaq. Muxtar Respublika təmsilçisi də artıq transfer çalışmalarını sürətləndirib.

"Footbal-plus.az" xəbər verir ki, Azər Bağırov qapını kimin qoruyacağına qərar verib. Onun növbəti seçimi Şahin Zəkiyev olub. Klubun qolkiperlə danışıqları müsbət yekunlaşıb. Tezliklə Şahinlə 1 illik müqavilə bağlanacaq. Qapıçının bu yaxınlarda Polşadan vətənə dönməsi də məhz bununla bağlıdı.

Maraq üçün qeyd edək ki, "Araz Naxçıvan" hələ heç bir futbolçu ilə rəsmi müqavilə bağlamayıb. Hazırda Orxan Əliyev, Nicat Süleymanov, Nihad Qurbanlı, Abdulla Rzayev, Ruslan Hacıyev və Fəhmin Muradbəyli növbəti mövsümə hazırlıq məşqlərində iştirak edir.

KƏNAN BAHADIR