UEFA Çempionlar Liqasının oyununda baş verən insidentlə bağlı təhqiqata başlayıb.

"Football-plus.az" xəbər verir ki, buna “Hamrun Spartans” – “Makkabi” (Hayfa) matçının gedişində baş verən arzuolunmaz hadisə səbəb olub.

Turnirin 1-ci təsnifat mərhələsinin iyulun 11-də Maltada keçirilən matçı zamanı rəqib komandaların azarkeşləri arasında toqquşma baş verib. Ta’Kali şəhərində keçirilən oyun qonaqların 4:0 hesablı qələbəsi ilə başa çatıb. Tribunada baş verən hadisələrə görə matça 30 dəqiqə fasilə verilib. Rəsmi məlumata görə, hər iki klubun azarkeşləri iğtişaş törətməkdə və bir-birinə yaş əşyalar atmaqda ittiham olunurlar. İsrail komandasının fanatlarının pirotexniki vasitələrdən istifadə etdiyi və stadiona maddi ziyan vurduğu da bildirilir. “The Times of Israel”in məlumatına görə, qarşıdurmaya maltalı azarkeşlərin “Fələstin, Fələstin” şüarları səsləndirməsi səbəb olub. İğtişaşlar nəticəsində “Makkabi”nin 5 fanatı polis tərəfindən saxlanılıb. Onlardan ikisi təqsirini boynuna alıb.

UEFA-nın məlumatında isə təşkilatın insidentlə bağlı ciddi ölçü götürəcəyi və cəzalar verəcəyi bildirilib. “Makkabi” ilə “Hamrun Spartans” arasındakı cavab oyunu iyulun 18-də İsraildə keçiriləcək.