Yaxın günlərdə daimi əsasda ''Qalatasaray''a keçəcəyi gözlənilən fanatların sevimlisi Mauro İkardi şok xəbərlə sarsılıb.

"Football-plus.az" xəbər verir ki, futbolçunun məhşur meneceri və həyat yoldaşı Vanda Nara ilə bağlı yayılan xəbər gündəmi zəbt edib.

Məlum olduğu kimi Vanda çərşənbə günü axşam saatlarında kəskin qarın ağrısından şikayət edərək Buenos-Ayresdəki xəstəxanalardan birinə yerləşdirilmişdi. Həmin xəstəxanadakı analizlərdə ciddi bir problem aşkarlanmamışdı. Amma cümə günü İkardi həyat yoldaşını Argentinanın ən məhşur özəl xəstəxanası olan ''Sanatorio De Los Arcos''a köçürdü. Burda Nara yenidən müxtəlif analizlər verməli oldu.

Argentinanın tanınmış jurnalistlərindən olan Xorxe Lanata ortaya sensasiyon bir iddia atıb. O, ''Radio Mitre''də aparıcısı olduğu verilişdə Vanda Naraya leykoz, yəni el dili ilə desək qan xərçəngi diaqnozu qoyulduğunu bildirib! Lanata əlavə edib ki, bu şok xəbərdən sonra İkardi həyat yoldaşının İtaliyada müalicə olunması üçün onu tezliklə bu ölkəyə aparmaq niyyətindədi.

Sözsüz ki, bu hadisə tanınmış cütlüyün planlarını da dəyişib. İkardinin artıq nə vaxt Türkiyəyə gələcəyi bilinmir.

ƏLİ