“Şamaxı" elitanı tərk edəndən sonra əvəzedici komandası fəaliyyətini dayandırdı.

"Football-plus.az" xəbər verir ki, “Şamaxı-2”yə rəhbərlik edən Zaur İsmayılov isə bundan sonra premyer-liqaya yeni yüksələn "Araz-Naxçıvan"ın ikinci komandasını çalışdıracaq.

Görəsən, "Şamaxı-2"də yeni məşqçiliyə başlayan Ruslan Əmircanovun taleyi necə olacaq? Yığmanın sabiq üzvünü dinləyək:

"Şamaxı"nın 1-ci liqaya düşməsinə çox üzüldük. Amma nə edəsən ki, futbolun öz qaydaları, idman prinsipi var. Əvəzedici komandada baş məşqçi Zaur İsmayılov, mən isə onun köməkçisii idim. Bəzən komandanı oyuna mən çıxarırdım. Şamaxı təmsilçisində gənclərlə işləmək çox xoş idi. Mьqaviləmin müddəti iyunda bitdi. Klub tərəfindən də sözləşməni yeniləmək və ya başqa bir vəzifədə çalışmaq təklif olunmadı. Hələlik istirahətdəyəm. Bəzi təkliflər var, onlar üzərində düşünürəm. Yaxın günlərdə harda işləyəcəyim bilinəcək".

ABDULLA İSMAYILOĞLU