Yeni mövsümə hazırlaşan "Turan Tovuz" və "Araz Naxçıvan" yoxlama matçı keçirib - 5:1.

"Football-plus.az" xəbər verir ki, oyundan sonra tovuzluların çalışdırıcısı Ayxan Abbasov jurnalistlərin suallarını cavablandırıb:

- Futbolçuların performansından razısız?
- Düzdü, yoxlama oyunlarında nəticə vacib deyil. Amma bu gün futbolçuların qol vurması, özlərinə inamı bizim üçün önəmlidi. Qol olanda oyunçular da sevinir, biz də sevinirik.

- Yeni transferlər haqda düşüncələriniz necədi?
- Onlara vaxt lazımdı. Yavaş-yavaş uyğunlaşacaqlar. Ümidimiz böyükdü.

- "Huner Group" komandaya sponsorluq edir. Deyilənə görə, əlavə sponsor da axtarılır. Bu haqda nə deyə bilərsiz?
- Əlavə deyə bilmərəm. Büdcəmiz var. "Huner Group"un gəlişi komandamızın inkişafına böyük təkan verdi. Tək əsas komanda yox, akademiya, stadionun infrastrukturu, bütün bunlar "Huner Group"un dəstəyi sayəsindədi. Belə insanların, sponsorların futbola gəlməsi alqışalayiqdi.

- Bir həftə əvvəl demişdiz ki, yarımmüdafiə xəttinə oyunçu axtarırsız. Bu istiqamətdə yenilik var?
- Axtarış davam edir. Yaxın günlərdə həll edəcəyik. Danışdığımız futbolçular var. Amma hələ tam razılaşmamışıq.

- Sanki daha sürətli "Turan Tovuz" görürük...
- Tələsməyək. İlk oyundu, futbol üçün darıxmışdılar. İstədiyimiz budu. Bu tempi saxlamaq çətin olacaq. Bəzi oyunçuların keyfiyyəti komanda oyununa rəng qatacaq. Onları seçməkdə məqsədimiz bu idi.

- Fərid Nəbiyev "dirijorluq" funksiyasını pis yerinə yetirmir...
- Əlbəttə Fərid bu gün Azərbaycanda ən potensiallı futbolçulardan biridi. Ona böyük ümid bəsləyirik. Amma üzərində çox çalışmalıdı.


- Roderik Miller Kanada mətbuatına verdiyi açıqlamada bildirib ki, klubda vurduğu qollar özünəinamı qaytarıb...
- Əlbəttə. Milleri gətirəndə ona ümidimiz böyük idi. Amma karyerası ərzində bu qədər qol vurmamışdı. Bizim əsas oyunçularımızdandı.

- Azarkeşlər avrokuboklara vəsiqə gözləyir. Bu, üzərinizdə təzyiq yaratmayacaq?
- Təzyiq həmişə var. Biz real baxırıq. Bu gün qarşımıza başqa məsqəd qoymuşuq. Tələssək, tez yanacağıq. Əlbəttə istəyirik ki, artıraq. Amma bu, avroliqa demək deyil. Klub olaraq böyüməliyik.

- Türkiyə toplanışında rəqiblər bəllidi?
- Bəli. "Adana Demirspor" və "Eyüpspor"la qarşılaşacağıq. Afrikadan da bir komanda ilə danışıq gedir. Digər rəqib isə bilinmir.

- Runi Evanın gedişi komandaya təsir edəcək?
- Bu gün biz adlar haqda fikirləşmirik. Hər gedən futbolçu bizə təsir edir. Onun yerini doldurmağa çalışırıq. Gətirdiyimiz futbolçular Runidən zəif deyil.

- Budaq Nəsirovun durumu necədi?
- Qaşı partladı.