“Bəli, inşallah, bu qarşılaşmanda iştirak edəcəm. Menecerimin mənə verdiyi məlumata görə, biletim alınıb. Qarşıdakı günlərdə Ermənistana yollanacağıq. Açığı, əvvəl çox həyəcanlıydım. Məşqsiz olduğuma görə narahat olurdum. Baş məşqçi Edlir Tetovanın motivasiyası sayəsində indi özümü daha gümrah hiss edirəm. Məhz həmin matçda uğurlu çıxış edə bilmək üçün gündə 3 dəfə məşq edirəm. Azərbaycanın tarixi ərazilərindən birində futbol oynamaq və qol vurmaq böyük xoxbəxtlik olar. Burda mənə bir çox məsələdə kömək edirlər. Ermənistanın ölkəmizə qarşı davranışı da albanlara bəllidi. Bu üzdən təhlükəsizlik tədbirləri ilə bağlı işlər görüləcək. Biz İrəvana, sadəcə, futbol oynamağa gedirik və bunu ən yüksək səviyyədə etmək üçün bacardığımı əsirgəməyəcəm. Ümid edirəm ki, qələbə bizimə olacaq. Mən komandama güvəndiyim kimi, komandam da mənə güvənir. Konfrans Liqasında mərhələ keçməyə çalışacağıq. Özümü beynəlxalq səviyyədə yaxşı tərəfdən göstərsəm, hədəflərimə daha tez çatacağıma inanıram”.

“Vüsala çox inanıram. Albaniya superliqası üçün yetərli təcrübəsi var. Ümid edirəm ki, komandaya tez uyğunlaşacaq. Hazırlıq baxımından çatışmazlığı var idi ki, gündəlik sürətləndirilmiş məşqlərlə bunu aradan qaldırırıq”.