''Fənərbaxça'' yeni idman direktorunun adını rəsmən açıqlayıb.

“Football-plus.az” xəbər verir ki, yeni mövsümdə bu vəzifəni Mario Branko icra edəcək. Onun köməkçisi isə daha öncə klubun akademiyasında məşqçi kimi çalışmış Okan Özkan olacaq. 47 yaşlı portuqaliyalı futbol adamı əslində ötən mövsümdən ''Fənərbaxça''dadı və artıq komandanı gözəl tanıyır. O, ötən mövsüm futbol əməliyyat direktoru vəzifəsini yerinə yetirirdi. Branko futbol dünyasında kifayət qədər tanınmış simadı və 19 ildi, futboldadı. 6 dil bilən Brankonun həm də güclü əlaqələri var. O, peşəkar idman idarəçiliyi diplomuna və UEFA-nın B lisenziyasına sahibidi. Buna qədər ''Visla'', FKSB, ''Astra'', ''Eştoril'', ''Hayduk'', PAOK, ''Famalikao''da idman direktoru kimi çalışıb. Eləcə də bir müddət Portuqaliya Futbol Federasiyasında işləyib.