''Mbappenin normal meneceri olsaydı, o, çoxdan ''Real''da idi''
Kilian Mbappenin ''Real''a keçidi mövzusunda müxtəlif şaiyələrin davam etdiyi bir vaxtda madridlilərin üzvü Ferlan Mendinin meneceri İvan Le Mi bu mövzuda diqqətçəkən açıqlamalar verib.
"Football-plus.az" xəbər verir ki, onun sözlərinə görə Mbappenin normal bir meneceri olsaydı, o, çoxdan Madrid nəhənginə transfer olunmuşdu. Məhşur forvardın maraqlarını onun doğma anası qoruyur:
''Bu, onun işi deyil. Kilianın anasının bu işdə heç bir təcrübəsi yoxdu. O, nə etmək lazım olduğunu bilmir. Mən də bir ara restoran açmaq eşqinə düşmüşdüm. Amma sonra yemək bişirə bilmədiyimi nəzərə alaraq bu işdən vaz keçdim. Bəzən elə an gəlib çatır ki, reallığa qayıtmağın zamanı olduğunu anlayırsan. Hər kəs öz bacardığı işlə məşğul olmalıdı. Öz oğlunun və ya digər futbolçuların maraqlarını təmsil etmək üçün onun müvafiq lisenziyası olmalıdı. Əminəm ki, Mbappenin öz işini bilən normal meneceri olsaydı, o hələ 2 il öncə ''Real''a keçərdi. Amma Kilian hələ də Parisdədi. Baş verənlərə əsasən deyə bilərəm ki, Parisdə olması onun o qədər də ürəyincə deyil''.
Digər xəbərlər
