Yeni mövsümə hazırlaşan “Sumqayıt” toplanışın ilk mərhələsini doğma şəhərdə keçir.

Bununla yanaşı “kimyaçılar” transfer çalışmalarını da davam etdirirlər.

“Football-plus.az”ın əldə etdiyi bilgiyə əsasən “kimyaçılar” braziliyalı mərkəz hücumçusu Patrik Nonato ilə danışıq aparır. Son olaraq Albaniyanın yüksək dəstəsində mübarizə aparan “KF Erzeni”nin formasını geyinən 26 yaşlı hücumçu karyerası ərzində Braziliya klubları ilə yanaşı, Uruqvayda da legioner həyatı yaşayıb.

Nonato son mövsümdə ümumilikdə 38 matça çıxıb və 13 qol, 4 məhsuldar ötürmə ilə yadda qalıb.

Yeri gəlmişkən onu da bildirək ki, “gənclik şəhəri”nin təmsilçisi təlim-məşq toplanışının ikinci mərhələsini Türkiyənin Ərzurum bölgəsində keçirməyi planlaşdırır.

Ancaq “kimyaçılar”ın qardaş ölkəyə yollanacağı hələ dəqiqləşməyib. Baş məşqçi heyəti komplektləşdimədən səfərə çıxmaq istəmir. “Sumqayıt”ın qardaş ölkəyə yollanıb-yollanmayacağı qarşıdakı bir həftədə bilinəcək.

RƏŞAD