İyunun 26-dan yeni mövsümün hazırlığına start verən “Sumqayıt” Qurban bayramı ilə əlaqədar bu gün gün istirahət edib.

Toplanışın ilkin mərhələsinə 11 futbolçu ilə başlayan “kimyaçılar” sabahdan etibarən hazırlığı bərpa edəcək. Klubun mətbuat katibi Rəşad Məmmədov “Football-plus.az”a açıqlamasında yeni transfer Mehdi Cənnətov və Masaki Muratadan başqa bütün futbolçuların toplanışa qatıldığını bildirdi. Cənnətov və Muratanın isə yaxın günlərdə kollektivə qoşulacağı gözlənilir.

Yeri gəlmişkən onu da qeyd edək ki, transfer çalışmalarını davam etdirən “Sumqayıt” portuqaliyalı futbolçunun xidmətində maraqlıdı. Söhbət Vasqo Braqadan gedir. Ötən mövsümü Portuqaliyanın ikinci dəstə təmsilçisi “Penafiel”də keçirən hücumameyilli yarımmüdafiəçi geridə qalam “futbol ili”ndə ümumilikdə 27 matçda meydana çıxıb. 29 yaşlı futbolçu 2 qol və 2 məhsuldar ötürmə ilə yadda qalıb. 2017-ci ildən “Penafiel”in formasını geyinən yarımmüdafiəçi hazırda azad agent statusu daşıyır.

RƏŞAD