“Yalovadakı turnir iyunun 22-dən 25-dək davam edəcək. Biz isə səfərə 21-i yollanacaq, 26-sı geri dönəcəyik. Türkiyəyə akademiyanın iki yaş qrupu – U-11 və U-14 yollanacaq. Turnirdə müxtəlif ölkələri təmsil edən 64 komanda iştirak edəcək. İki mərhələdən ibarətdi. Çox təəssüf ki, bizim yaş qrupumuzda “Qalatasaray” və “Fənərbaxça” kimi klubların aşağı yaş qrupları iştirak etmir. Əvəzində Türkiyənin başqa klublarının təmsilçiləri, Bolqarıstan klubu və bir də Almaniyadan futbol akademiyası var. Əslində bizim üçün vacib olan rəqiblər yox, akademiyamızın uşaqlarının ölkə xaricinə çıxması, Türkiyəni görməsidi. Hər halda, beynəlxalq yarışdı, uşaqlar həyatda ilk dəfə başqa ölkələrdən olan həmyaşıdları ilə üz-üzə gələcəklər. Bu onlar üçün böyük təcrübədi. Məqsəd və hədəfimiz turnirdə akademiyamızı ən yaxşı tərəfdən göstərmək, Azərbaycanı layiqincə təmsil etməkdi. Hər iki yaş qrupu üzrə komandalarımız beşulduzlu oteldə qalacaq. Vaxtımız olsa, məşqçilər heyəti ilə birgə “Qalatasaray”, “Fənərbaxça” və “Beşiktaş”ın akademiyalarına baş çəkməyi planlaşdırırıq. Bundan başqa, Türkiyə klublarının akademiyaları ilə əlaqələr qurub belə bir beynəlxalq turniri Sumqayıtda keçirməyi düşünürük. Sonda onu da qeyd edim ki, səfərə 45 nəfərlə yollanacağıq”.