“Sumqayıt” stadionun qazonunu dəyişir
Premyer-liqada işləri yaxşı getməyən, son pillədə qərarlaşan “Sumqayıt” yaxın günlərdə infrastruktur baxımından yenilik edəcək.
Bu haqda bilgini “kimyaçılar”ın mətbuat katibi Rəşad Məmmədovdan aldıq: “Böyük ehtimalla gələn həftə akademiyanın və əvəzedici heyətin istifadəsində olan ehtiyat meydanın süni qazonunun dəyişdirilməsinə başlanılacaq. Artıq bu yöndə danışıqlar başa çatıb. Örtüyün dəyişdirilməsi təxminən 10 gün çəkəcək. Yüksək keyfiyətli, standartlara cavab verən örtük döşənəcək”.
“Sumqayıt” akademiyasının müxtəlif yaş qrupları AFFA-nın təşkil etdiyi liqalarda ev oyunlarının həmin meydanda keçirir. Örtüyün dəyişdirilməsi 10 gün çəkəcəksə, komandalar ev oyunlarını harda keçirəcək? Və ya başqa bir məqam. Akademiyanın aşağı yaş qrupları gündəlik məşqləri harda keçəcək? Rəşad bəy problemi yoluna qoyacaqlarını söylədi: “Məsələ ilə bağlı AFFA-ya məktub ünvanlayacağıq. 10 gün ərzində rəqibləri evdə qəbul etməli olan komandalarımızın oyunlarının yerinin dəyişdirilməsini xahiş edəcəyik. O ki qaldı məşqlərə, akademiyanın aşağı yaş qrupları Sumqayıtda fəaliyyət göstərən özəl arenalarda məşq edəcək. Klub rəhbərliyi bununla bağlı danışıqlar aparıb”.
RƏŞAD
Digər xəbərlər
