“Neftçi”də həllini gözləyən suallar çoxdu. Bu həftənin sonuna kimi Müşahidə Şurasının toplantısı olmalıdı.

Bundan sonra komandanın gələcəyi bəlli olacaq. İyunun 21-də isə kollektiv hazırlığa başlamalıdı. İndiki məqamda “ağ-qaralar” yeni futbolçu axtarışındadı. Bundan başqa, bəzi oyunçuların göndərilməsi gündəmdədi. Bunlar müqavilə müddəti bitənlərdi. Sadəcə, Emin Mahmudovla bağlı problem davam edir. “Transfermarkt.com” saytının iddiasına görə, təcrübəli yarımmüdafiəçi Koreyanın vitse-çempionu "Jeonbuk Hyundai Motors" ilə anlaşıb. Anlaşmanın müddəti və başqa detalları barədə məlumat verilmir.

Redaksiyamıza daxil olan məlumata görə, yayılan xəbər həqiqəti əks etdirmir. Mahmudov hələ qərarını verməyib. Millinin oyunundan sonra konkret qərarını açıqlayacaq. Dəqiq bilinən odu ki, Emin "Neftçi"dən ayrılsa, ölkəmizdə oynamayacaq. “Neftçi” rəhbərliyi ona illik 350 min dollar olmaqla 3 illik müqavilə təklif edib. Mahmudov xaricə getməsə, o zaman “Neftçi”də qalacaq. Flaqmanın kapitanı hazırda ancaq yığmanın oyunu haqda düşünür.

İLKİN SULTANLI