"Hazırda Horadiz Olimpiya İdman Kompleksindəki stadionun ot örtüyünün yenilənməsiylə məşğuluq. Peşəkarlaşmaq istiqamətində işlərimizi davam etdiririk. 1-ci divizionda çıxış etmək üçün müraciət etmişik, gözləyirik. 2-ci divizionun yaradılmasına da sevinirik. 1-ci divizionda çıxışımıza icazə verilməsə, yeni yaradılacaq liqada çıxış etmək istərdik. Təvazökarlıqdan uzaq olmasın, "Füzuli" həm intizamı, həm də kreativ futbolu ilə Region Liqasına rəng qatdı. Odu ki, 1-ci və ya 2-ci divizionda çıxşımıza icazə verilsə, yenə mübariz oyunumuzla rəng qatacağımızdan əminəm. Amma mənim bir fikirim də var. 1-ci və 2-ci diviziona hər yoldan ötən komandanı gətirmək lazım deyil. Futbol ənənəsi, inftastrukturu, bazası, az da olsa, büdcəsi olan və Region Liqasında uğurlu çıxışla diqqəti çəkən bölgələrin təmsilçilərinə üstünlük verilməlidi. Məsələn, Lənkəran və Ağsu təmsilçilərini kənarda saxlayıb "Füzuli"yə “yaşıl işıq yandırılmasını” düzgün saymıram. İnanın ki, tam səmimiyəm. Bir klubun stadionu varsa və minimum tələblərə cavab verirsə, niyə də kənarda qalmalıdı?! Odu ki, peşəkarlaşmaya doğru addımlayan komandaların 1-ci və 2-ci divizionda çıxışının tərəfdarıyam".