Şahin Diniyev onun da üstündən "xətt çəkdi" - AÇIQLAMA
"Səbail" daha bir futbolçusu ilə müqavilənin müddətini uzatmayacaq. Söhbət Rahid Əmirquliyevdən gedir.
Bu barədə "Football-plus.az"a klubun baş məşqçisi Şahin Diniyev məlumat verib. Onun sözlərinə görə, 34 yaşlı yarımmüdafiəçi növbəti mövsümdə heyətdə yer almayacaq:
"Rahid yaxşı oğlandı. Komandanın uğurlarında payı olan zəhmətkeş futbolçulardan biridi. Ona klubda başqa iş təklif ediləcək. Qəbul edib-etməyəcəyini deyə bilmərəm, öz işidi".
Məlumat üçün bildirək ki, Rahid Əmirquliyev "Səbail"in heyətində ötən mövsüm 12 oyunda iştirak edib. Hesabında qol və məhsuldar ötürmə yoxdu.
Yeri gəlmişkən qeyd edək ki, Şahin Diniyev 2023/24 mövsümündə də "dənizçilər"in sükanı arxasında olacaq.
KƏNAN BAHADIR
