“Bavariya” bu yay üçün transfer büdcəsini müəyyənləşdirib.

"Football-plus.az" xəbər verir ki, “Sport Bild”in yaydığı məlumata görə, Münhen klubunun rəhbərliyi 150 milyon avroluq transfer büdcəsini təsdiqləyib. Komandanın indiki oyunçularından kimsə satılacağı təqdirdə göstərilən büdcə artırılacaq. Münhenlilərin baş məşqçisi Tomas Tuxel heyətdə mərkəz hücumçusu və dayaq yarımmüdafiəçisi görmək istəyir.

Xatırladaq ki, “Bavariya” ötən yay transferlərə təxminən 140 milyon avro xərcləməklə Sadyo Mane, Matteys de Liqt, Matis Tel və Rayan Qravenberh kimi futbolçuları heyətinə cəlb etmişdi.