Lavioletti Karberi əvəz etdi
MHL-in aparıcı klublarından “Vaşinqton” Spenser Karberinin baş məşqçi postuna təyin olunduğunu elan edib.
“Football-plus.az” xəbər verir ki, 41 yaşlı mütəxəssis əvvəllər “Totonto”da baş məşqçinin yardımçısı kimi çalışıb. Məşqçi karyerasına “Vaşinqton”da başlayan, paytaxt klubunun farm-klubu olan “Herşi”ni çalışdıran Karberi “Kepitalz”ın tarixinə 20-ci baş məşqçi kimi düşüb. Klubun baş meneceri Brayan Maklellan bu təyinatla bağlı belə deyib:
“Spenseri yeni baş məşqçi təyin etdiyimizə görə çox sevinirik. O, çalışdığı bütün səviyyələrdə uğur qazanan ən yaxşı gənc məşqçilərdən biridi. Hesab edirik ki, onun liderlik keyfiyyətləri, kommunikasiya vərdişləri, oyunçuları inkişaf etdirmək bacarığı böyük üstünlük olacaq”.
Xatırladaq ki, “Vaşinqton” aprelin 15-də Piter Laviolettin baş məşqçi postundan getdiyini elan etmişdi. Klubla mütəxəssis qarşılıqlı razılıq əsasında işbirliyinə son qoyub. 58 yaşlı Laviolett 2020-ci ilin sentyabrından bəri “Vaşinqton”u çalışdırırdı. “Kepitalz” 2022/23 mövsümündə son 9 ildə ilk dəfə pley-offa adlaya bilməyib.
Digər xəbərlər
