“Vaşinqton” məşqçi ilə yolları ayırdı
“Vaşiqnton” Piter Laviolettin baş məşqçi postundan getdiyini elan edib.
“Football-plus.az” xəbər verir ki, klubla mütəxəssis qarşılıqlı razılıq əsasında yolları ayırıb. Klub saytında baş menecer Brayan Maklellanın bu sözləri yer alıb:
“Son üç mövsümdəli liderliyinə və təşkilatımıza sadiqliyinə görə Piterə minnətdarıq. Piter klubumuzu vicdanla təmsil edən, baş məşqçi postunda bir çox çətin sınağın öhdəsindən uğurla gələn yüksək səviyyəli şəxsiyyətdi. Gələcəkdə ona hər şeyin ən yaxşısını arzulayırıq”.
2020-ci ilin sentyabrından “Vaşinqton”u çalışdıran Laviolett klub tarixinə 19-cu baş məşqçi kimi düşüb. Komanda onun rəhbərliyi altında 115 qələbə qazanıb, 78 oyunda uduzub. “Vaşinqton” 2022/23 mövsümündə son 9 ildə ilk dəfə pley-offa çıxmayıb.
Digər xəbərlər
