Ölkənin tanınmış hakimi Əliyar Ağayevin cari mövsümdə özünü heç də yaxşı tərəfdən göstərdiyini söyləmək olmaz.

FİFA referisi istər baş hakim, istərsə də VAR hakimi kimi yetərincə səhvə yol verməklə yadda qalıb. Buna baxmayaraq, çoxları Ağayevi ölkənin ən yaxşı ədalət təmsilçisi sayır.

“Football-plus.az” xəbər verir ki, Əliyarın özü də hakimlər arasında özünü hamıdan üstün hesab edir. Etibarlı mənbədən əldə etdiyimiz bilgiyə görə, Ağayev baş hakim kimi çıxdığı matçlarda VAR-da oturanlara “mənə nəyisə işarə etməyin. VAR-dan gələn siqnala ehtiyacım yoxdu. Mən FİFA-nın birinci kateqoriyalı hakimiyəm. Nəyi düz bilirəmsə, onu da edəcəm” kimi tapşırıq verib. Onun bu sözləri Hakimlər Komitəsinin sədri Bariş Şimşəyin xoşuna getməsə də, türkiyəli mütəxəssis Ağayevin ölkədəki nüfuzunu nəzərə alıb FİFA referisi ilə prinsipə getmək istəmir.

RƏŞAD