"Mən həmişə doğma "Şamaxı"nı sevmişəm, bundan sonra da sevəcəm. Həmçinin hansı klub sırf azərbaycanlı balalarından təşkil olunursa, ona rəğbət bəsləyirəm. Yeni formalaşan, 8 ayın komandasıyıq, yerli futbolçularla çıxış edirik. Rəqiblər o qədər çəkinir ki, 7-8 legioneri start heyətində oynadaraq bizi üstələyir. Elə bir "Şamaxı"yla yerli klublar yox, dünya yığmaları oynayır. Bütün komandalar azərbaycanlı futbolçulara güvənsəydi, heç kim bizlə bacarmazdı. Ölkədə yerli futbolçuların üzə çıxması üçün yeganə komanda bizik. Odu ki, bu mövsüm bizi elitadan çıxarsalar, futbolumuza növbəti zərbə dəyəcək, başqa klublar da rahat nəfəs alacaq. Ona görə də tez-tez söylədiyim bir şüarı yenə təkrarlayıram: "9 kluba töhmət, "Şamaxı"ya isə möhlət yaraşır".