Basketbol üzrə Avroliqanın səhmdarlarının İcra Şurası Rusiya klublarını bu turnirdən uzaqlaşdırmaqla bağlı qərar verib.

Beləliklə, ÇSKA, UNİKS və “Zenit” Rusiyanın Ukraynaya təcavüzünə qurban getdi. Rusiya klubları ilə indiyə qədər keçirilən oyunların nəticələri də ləğv olunub və aşağıdakı xal durumunda nəzərə alınmayıb. Xatırladaq ki, fevralın 28-də Avroliqa səhmdarlarının İcra Şurası Rusiya klublarının turnirdə iştirakının dayandırıldığını bildirmişdi. Bu dəfə isə “baltanı kökündən vurdular”.

Ruslarsız qalan turnirin 31-ci turunun oyunlarına gəlincə, evdə “Real”ı məğlub edən “Efes” turnir cədvəlinin ön hissəsində yer alıb. “Baskoniya”ya uduzan “Fənərbaxça”nın isə vəziyəti çətindi. “Sarı-lacivərdlilər”in məğlubiyyət seriyası artıq 4 oyuna çatıb.

31-ci tur
Efes (Türkiyə) – Real (İspaniya) 93:90 (19:21, 25:30, 28:28, 21:11)
Alba (Almaniya) – Barselona (İspaniya) 79:95 (13:21, 26:26, 19:26, 21:22)
Panatinaikos (Yunanıstan) – Bavariya (Almaniya) 80:67 (26:16, 16:19, 13:17, 25:15)
Makkabi T-Ə (İsrail) – Milan (İtaliya) 75:58 (23:11, 17:26, 16:9, 19:12)
Jalgiris (Litva) – ASVEL (Fransa) 68:72 (17:15, 15:18, 15:16, 21:23)
Baskoniya (İspaniya) – Fənərbaxça (Türkiyə) 77:62 (20:19, 12:21, 22:13, 23:9)
Monako (Fransa) – Olimpiakos (Yunanıstan) 92:72 (19:22, 29:9, 23:20, 21:21)

Xal durumu: Barselona – 45, Real, Olimpiakos – 43, Milan – 40, Efes - 38, Monako, Baskoniya – 37, Bavariya, Makkabi T-Ə, Srvena Zvezda – 35, ASVEL, Jalgiris – 33, Fənərbaxça, Alba – 32, Panatinaikos – 31.